Pranatacara Paningset

Assalamu ‘alaikum Wr. Wb.

Panjenenganipun para pepundhen, para pinisepuh, miwah sesepuh ingkang dhahat kinurmatan, para pangemban pangembating praja satriyaning negari minangka pandam pandoming para kawula dasih ingkang minulya, para sarjana, para sujana sujananing budi ingkang sampun wenang hanampi wahyuning kasutapan, ingkang satuhu bagya mulya, para alim, para ulama ingkang rinten dalu tansah sumandhing kitab suci wahyuning Ilahi minangka panuntun keblating panembah ingkang satuhu luhuring budi, para tamu kakung sumawana putri ingkang pantes nampi pakurmatan satuhu pantes lamunta sinudarsana. 

Sumangga kula tansah nderekaken memuji sukur dhumatheng Gusti Ingkang Maha Kuwaos ingkang sampun kepareng ngrentahaken kabagjan, kamulyan, wah maih kawilujengan saengga kula lan pan jenengan saged kempal manunggal wonten sasana sakawit kanthi boten kirang satunggaling menapa.

Para rawuh ingkang sinuba ing kawilujengan,

Panjenengan sampun lenggah sawetawis, keparenga kula minangka pranata adicara mbabar menggah gatining titi laksana. Dene runtut reroncening adicara ingkang sampun rinacik nun inggih:

Nyandra Bleger Pengantin Kakung

Dhasar pekik ing warna sinasaban busana adi. Mila tambah gawang-gawang cahyane, kentar katon bergas, tebah jaja atampel wentis. Cahya sumunar kadya hanambahi pekik myang sulistya ing kawibawanipun mancarang jumenengan enggal lamun cinandra pindha risang abagus Fatkhul Amin

ATUR PANGLAMAR

Assalamualaikum Wr. Wb.

Salam kasugengan lan kaharjan mugia tansah kaparingaken dumatheng kula tuwin panjenengan sedaya.

Kabagyan, kamulyan, saha kawilujengan Allah ingkang Maha Welas lan Asih mugi tansah kajiwa kasalira dening para lenggah kakung sumawana putri ingkang hanggung amastuti dhumateng pepoyaning kautaman.

Dhumateng panjenenganipun Bapak Wijaya Utama sekalian saha panjenenganipun ingkang kepareng amakili, miwah para rawuh ingkang dhahat kinurmatan.

Inggih awit saking panguwaosipun Allah saha pikantuk pangestu panjenengan sami, sowan sakulawarga wonten ngarsanipun Bapak Wijaya Utama sekaliyan tansah winantu ing karaharjan, kalis nir sambikala.

Bapak Winarto ingkang dhahat kinurmatan.

Panyandra Tarub

Apa ta kang minangka pambukaing kandha. Purwakaning carita, hanenggah wiwaraning wacana kang sinebat tarub? Lamun kinerata basa, tinata lamun kawuryan, rinengga-rengga amrih edi lamun peni. Tembung tarub kapurwakan nalika ki Ageng Tarub mantu si Jaka Tarubsaking padhusunan tarub.

Ki Ageng Tarub Hanyaraya nyuwun pun age bebana dhumateng ingkang raka kanjeng sunan Kalijaga yasa eden-eden wong penting wiwaraning wisma.

Rinajang roning kalapa rinajut kang sinebat bleketepe dadya pratandha panuwun ing pangarsing Gusti muga karaning sambikala binawang hamung rahayu widodo kang tansah kinadya.

Janur kuning rinajut miwah tetuaning kang angrenggani ing tarub. Suket alang-alang, godhong kapa-kapa, godhong awar-awar, godhong maja, godhong kemuning, miwah sekaripun, godhong waringin miwah godhong kaluwih, ingkang satuhu ngemu pralampita sinandi.

Pisang sanggan sasuluhan rinengga tebu wulung kang kawuryan santosa kang winastan tebu Harjuna. Wohing pari datan keri, cengkir gadhing kusumanding. Suket alang-alang kinarya pralampita muga-muga anggone duwe gawe ora ana alangan apa-apa, Marma ugi godhong kapa-kapa.

Pranata Adicara Mitoni (Tingkeban)

Dalam masyarakat Jawa, ada tradisi yang biasa dilakukan setiap usia kandungan seorang ibu mencapai 7 bulan yang biasa dinamakan upacara Mitoni atau Tingkeban. Nerikut merupakan teks pranatacara Mitoni atau Tingkeban : Pranata Adicara Mitoni atau Tingkeban

Pranatacara Kesripahan

langsung download mawon : Pranatacara Kesripahan.pdf